🗣 Дебаттық турнир өтті
🎯 Тақырып: «Егемендік — елдің баға жетпес игілігі»
Мектебімізде оқушылар арасында «Егемендік — елдің баға жетпес игілігі» тақырыбында пікірсайыс турнирі өтті.
🔹 Турнирдің басты мақсаты — жас ұрпақтың сыни ойлау қабілетін дамыту, өз пікірін еркін әрі дәлелмен жеткізуге машықтандыру, сонымен қатар Тәуелсіздік құндылығын терең ұғындыру.
💬 Пікірсайыс барысында оқушылар өзара өзекті мәселелерді талқылап, егемен ел болудың тарихи және заманауи мәнін ашуға тырысты. Қатысушылар өз ұстанымдарын нақты дәлелдермен қорғап, шешендік шеберліктерін таныта білді.
🇰🇿 Егемендік — бұл тек өткеннің жемісі ғана емес, ол — келешекке артылған аманат пен үлкен жауапкершілік.
Осындай іс-шаралар өскелең ұрпақтың ел болашағына бейжай қарамайтын, саналы да салиқалы азамат болып қалыптасуына үлкен серпін береді.